Exotica Gelatea (Closed)

聽朋友講係銅鑼灣有間西餐店嘅漢堡包好好食。 今日經過銅鑼灣就去試下啦～充滿古代歐洲風情嘅西式餐廳，環境別緻，另有一番風味。和牛漢堡 Wagyu Burger $119包好鬆軟，唔黏口。每咬一口和牛肉汁滋晒出嚟，好juicy。和牛應該係佢哋自己整，唔咸，食晒成個包都唔口渴。醬汁同和牛 balance 得好好。豬肉漢堡 Pork Burger $87包一如既往咁鬆軟，唔黏口，啖啖鬆化。漢堡豬扒應該係佢哋自家製，食落好有家嘅感覺，剁得啲豬肉粒粒分明。醬汁無搶到豬扒嘅味道。跟住我哋叫埋個 Iced Matcha Latte $55呢杯Matcha配埋漢堡嚟食唔會令你滯，奶同綠茶嘅分配好適中。飲落反而令你感覺好清新。整體黎講，Exotica Gelatea 食物健康，少添加劑，無咩味精，食到飽飽都唔覺滯。呢間我絕對會介紹朋友食，自己都會 encall 再 encall 。今次食得太飽，所以無食到佢哋自家製嘅雪糕，睇落都好吸引。下次帶多幾個friends可以試埋個雪糕。