Video
Read full review
2023-02-10
194 views
約咗朋友嚟淘大睇戲，開場前先去附近搵個地方醫肚。朋友想食海南雞，帶咗我嚟商場地下呢間「栢檔極品海南雞飯」。餐廳主打海南雞，另外亦有滷水元蹄、肉骨茶、手剁魚香肉餅、秘方滷燒豬頸肉飯等供應，選擇都算多，而且部分更設有輕量版本，啱晒啲比較細食嘅人士。朋友揀咗個極品海南雞一人套餐 ($83)，而我就點咗香煎手剁魚香肉餅飯 ($64) 同 肉骨茶 ($52)，一於齊齊開心 Share。個一人套餐嘅陣容都幾豐富，有皇牌靚湯、極品海南雞、健康翠綠時菜、雞油香飯同迷你雪米糍。皇牌靚湯真材實料，內有南瓜、粟米、紅蘿蔔和豬骨，湯身熱辣辣，味道非常清甜，綿密滋潤，鮮味十足，而且飲得出無落味精。 海南雞選用三黃雞，食落肉質好嫩滑，外皮富彈性，雞味亦很濃郁，入口啖啖肉。特製嘅三色醬更係靈魂所在，用嚟配海南雞，更添滋味！伴吃嘅油飯亦做得好有水準，飯粒飽滿、香氣十足，但食落又唔會太油膩。跟餐仲有碟色澤翠綠嘅蠔油唐生菜，入口非常爽甜。至於另一客香煎手剁魚香肉餅，味道亦不錯，底面都煎至金黃焦香，食落肉質好鬆化，鹹淡得宜，細嚼下更可嚐到淡淡魚香，十分美味。單點嘅肉骨茶，份量亦唔野少，大大碗，用料十足。先嚐一口以玉竹、黨參
約咗朋友嚟淘大睇戲，開場前先去附近搵個地方醫肚。朋友想食海南雞，帶咗我嚟商場地下呢間「栢檔極品海南雞飯」。
餐廳主打海南雞，另外亦有滷水元蹄、肉骨茶、手剁魚香肉餅、秘方滷燒豬頸肉飯等供應，選擇都算多，而且部分更設有輕量版本，啱晒啲比較細食嘅人士。
朋友揀咗個極品海南雞一人套餐 ($83)，而我就點咗香煎手剁魚香肉餅飯 ($64) 同 肉骨茶 ($52)，一於齊齊開心 Share。
個一人套餐嘅陣容都幾豐富，有皇牌靚湯、極品海南雞、健康翠綠時菜、雞油香飯同迷你雪米糍。
皇牌靚湯真材實料，內有南瓜、粟米、紅蘿蔔和豬骨，湯身熱辣辣，味道非常清甜，綿密滋潤，鮮味十足，而且飲得出無落味精。 
海南雞選用三黃雞，食落肉質好嫩滑，外皮富彈性，雞味亦很濃郁，入口啖啖肉。特製嘅三色醬更係靈魂所在，用嚟配海南雞，更添滋味！
伴吃嘅油飯亦做得好有水準，飯粒飽滿、香氣十足，但食落又唔會太油膩。跟餐仲有碟色澤翠綠嘅蠔油唐生菜，入口非常爽甜。
至於另一客香煎手剁魚香肉餅，味道亦不錯，底面都煎至金黃焦香，食落肉質好鬆化，鹹淡得宜，細嚼下更可嚐到淡淡魚香，十分美味。
單點嘅肉骨茶，份量亦唔野少，大大碗，用料十足。先嚐一口以玉竹、黨參、圓肉、紅棗和杞子熬成嘅湯底，藥材味啱啱好，帶啖啖回甘，很容易入口。
排骨炆得好腍，一咬就骨肉分離骨，加上索湯一流嘅豆卜，最佳配搭。
Post
