牛禪燒肉日本料理 (Closed)

身邊嘅朋友成日推介呢間燒肉，終於到我可以嚟試一試啦。早排難得同幾個好耐冇見嘅好朋友 ，約出聚一聚， 幾大都要豪一次， 一定要飲飽食醉。叫任何套餐或牛盛宴加hkd100/位，就可以飲指定日本清酒放題。炸白飯魚好少有咁大條嘅白飯魚，香脆可口， 送酒一流。刺身五點牡丹蝦、深海池魚、三文魚腩刺身、帶子刺身、金目鯛刺身我覺得最正就係牡丹蝦刺身 ，味道鮮甜，而且啖啖肉，又彈牙。海膽壽司海膽甘香鮮甜 ，口感creamy入口即溶。重點出場 極上和牛盛宴當中有牛肩、極上牛舌、牛頸脊、牛小排 、尾龍扒、牛腿上肉……最好就跟指示由淡味食到濃味。 職員一放牛肉落燒爐就即刻傳來 陣陣牛肉香味既油香，豐腴肥美。而我最鍾意食牛頸脊，既有口感，亦有濃郁牛味，充滿油香。由於牛肉新鮮，我建議任何調味料/醬汁亦都唔需要加 ，最好就配白飯一齊食， 更能食出牛肉嘅原汁原味。最後食埋個甜品“芒果糯米飯 ”，真係飽到 頂上喉嚨。