Le Cafe Place (Closed)

喺附近行完街，想食個all day breakfast，就入咗呢間餐廳，而呢個就係惡夢嘅開始。All day breakfast 不過不失啦， 六十零蚊有五六款嘢食，質素都算正常嘅，係個麵包燶咗少少，都算合格。點知個牛扒餐就出晒事啦，個湯好淡冇乜味，沙律合格，主菜嘅牛扒好似茶餐廳嘅牛扒咁樣：肉質霉霉地，明顯係醃制過嘅，味道有啲啲酸酸地，比較難切開，入口有啲鞋。但惡夢嘅主角並唔係呢塊牛扒，而係伴碟既薯角。薯角並唔係即炸嘅，已經放左一陣，再比件牛扒焗左一陣，濕濕地口感有啲古怪。而當中，有好幾舊嘅味道非常之唔尋常，有一種惡臭，比變壞左嘅食物更加臭，唔小心食咗一啖，吐都吐唔切，諗起都驚！同店主反映番個情況，估唔到佢堅持佢哋嘅嘢食係冇問題嘅，咁無討論下去嘅空間啦。