極尚大喜屋 (加連威老道) (Closed)

朋友話要試大喜屋，發現開了這間極尚大喜屋，見到open rice一致好評，加上大喜屋的電話長期打唔通/無人聽，所以順理成章讓味蕾體驗了極尚之旅...一入到餐廳便安排我地坐正門口位，頓時已打了折扣。不過過左一陣，職員突然主動走黎問我地要唔要轉去另一張較舒服的卡位，心裡不禁加了分 (會否是tactics? 哈，太多疑了吧)。很少餐廳職員會主動幫忙調動較佳位置，一般都要客戶自己去問先有機會安排到，所以呢d細節位安排得唔錯...刺身等了又等，一問之下原來因為調左檯可能冇o左，職員叫我地即時落單，仲聽到佢交代刺身師父加快處理我地張單，事實又真係好快上檯... 又一細節位安排得唔錯...整體而言，這間極尚大喜屋是我近期覺得食物質素最高、服務最好的放題餐廳，食完一次已經諗緊下次幾時再黎，希望唔會好似其他放題餐廳咁，質素會每況如下，令我不敢再有第三次吧...