Video
Read full review
2016-10-06
111 views
私房菜我都係食過一至兩次，但係第一次嘅經驗比我真係覺得有啲私房菜根本就唔係咁好食，我第一間去試嘅私房菜淨係講個燉湯，嗰啲肉，完全都係未飛水，仲有啲肉嘅潺喺度，令我記憶猶新，所以對私房菜，其實唔係有好大嘅好感。但係今次朋友有推薦呢間私房菜，叫我一定要食，如果唔食講到好似會後悔咁樣，依家諗返轉頭，其實唔識真係會後悔，哈哈！每個人對私房菜嘅要求，同埋定義都唔同，而我對私房菜嘅要求就起碼係一啲我平時出面食唔到嘅嘢，同埋係嗰個師傅嘅撚手小菜，係要好有信心去做嗰道料理出嚟。@柚子醋扒吞拿魚柚子醋係用日本出產的， 本身稀嘅柚子醋，再經煮過淋上一件件切好咗嘅吞拿魚上面，吞拿魚嘅四邊都略為煎過。味道酸甜，開胃。@青欖雪梨燉豬展有陣時啲湯有冇加到味精，其實真係一飲就知道，完全呃唔到人，呢個湯飲落去就真係冇味精嘅感覺，第一口嘅感覺就係有豬展嘅味道，然之後青欖同埋雪梨嘅味道會慢慢滲出嚟，愈飲愈有味，而且味道鮮甜。@牛油法包伴老虎蝦亮點之作！淨係睇隻老虎蝦已經夠晒吸引，又大隻，又厚身，再講埋佢嘅質感，佢咬落去超級爽，爽到質感簡直有啲似龍蝦。而味道就有好重的牛油味，食落味道亦中亦西，非常之有創意。再加埋預先用牛油
但係今次朋友有推薦呢間私房菜，叫我一定要食，如果唔食講到好似會後悔咁樣，依家諗返轉頭，其實唔識真係會後悔，哈哈！
每個人對私房菜嘅要求，同埋定義都唔同，而我對私房菜嘅要求就起碼係一啲我平時出面食唔到嘅嘢，同埋係嗰個師傅嘅撚手小菜，係要好有信心去做嗰道料理出嚟。@柚子醋扒吞拿魚
柚子醋係用日本出產的， 本身稀嘅柚子醋，再經煮過淋上一件件切好咗嘅吞拿魚上面，吞拿魚嘅四邊都略為煎過。味道酸甜，開胃。@青欖雪梨燉豬展
有陣時啲湯有冇加到味精，其實真係一飲就知道，完全呃唔到人，呢個湯飲落去就真係冇味精嘅感覺，第一口嘅感覺就係有豬展嘅味道，然之後青欖同埋雪梨嘅味道會慢慢滲出嚟，愈飲愈有味，而且味道鮮甜。@牛油法包伴老虎蝦
亮點之作！淨係睇隻老虎蝦已經夠晒吸引，又大隻，又厚身，再講埋佢嘅質感，佢咬落去超級爽，爽到質感簡直有啲似龍蝦。而味道就有好重的牛油味，食落味道亦中亦西，非常之有創意。再加埋預先用牛油焗嘅法式麵包，再點上牛油的汁。整個配搭極具fusion 創意。最難得係fusion得嚟又好夾。(你話人生如果成日遇到d甘夾嘅人，你話幾好！)
@黑松露片彩椒炒日本元貝
碎嘅黑松露真係食得多，一片片嘅都係第一次食，原來一片片食落去嗰種味道有少少似菌類，但又不失本身的香氣。元貝好大粒，肉質好彈牙，雖然經點烹煮，元貝本身嘅鮮味亦保留住，唔會因為經過烹煮而流失。
@蘭度炒乳鴿片
炒豬肉片，炒牛肉片甚至炒雞片就係見慣不怪，乳鴿片真係非常特別。但有意想不到嘅收穫，估唔到佢嘅口感有少少似雞腎，但肉嘅質感嫩滑，亦有乳鴿本身嘅肉味。蘭度為美其名，其實係芥蘭最幼嫩嘅部份，食落去完全渣的感覺，夠唒爽口。
@金榜醬稻庭烏冬
起初都唔知金榜醬係乜嘢嚟，原來金榜醬係一啲類似XO醬再加埋唔同嘅配料炒成，製法極具功夫。而味道有少少似喇沙嘅味道，但係佢來得更加濃，同埋個辣會在進食後慢慢滲出，唔會被辣味蓋左原有嘅味道。唔好睇佢每樣嘅都好精緻，怕會唔夠飽，其實食到差唔多三分之二嘅時候已經有7成的滿足感。況且呢到嘅食物我可以講話係重質必重過量。
再提當大家呢一樣野，呢度嘅菜式通常都係由廚師推介，如果有興趣只需要WhatsApp或者打電話話比餐廳知道你大概幾多位，廚師就會幫你安排一系列嘅菜式再俾你過目，無問題嘅話呢就按照而出，如果有問題亦可以按照客人嘅需要而改變架。
(因為真心嘅好食，真係好想用幾百字來表達拒嘅好，想同你地分享，但奈何小妹文筆未有甘厲害，希望短短呢篇可以令你地心同我受喇，嘻)
Post
