漢堡佬 (Moved) New Location

呢間小店係主打burger，可以見到佢地漢堡都有唔少選擇，有牛肉，雞肉，蝦同軟殼蟹。 我見到網上啲食評評價都唔錯，所以即管試試佢！最後決定食$55雙層牛肉芝士漢堡，見到漢堡個下我驚訝左，牛肉扒會唔會太厚，牛肉好重肉味，好嫩，半融芝士好奶香，加上脆脆既包同生菜蕃茄同醬汁，啖啖牛既感覺滋味十足。$22薯格好香薯仔味，炸得好酥脆，點埋茄汁一齊食，好香口。而且份量都好多，呢個價錢可以有咁多份量真係好抵食！呢個漢堡絕對係最近食過最滿足，又極度罪惡既一餐，唔知要跑幾多步先可以消耗到了。