金鶴拉麵 (和富道) (Closed)

自己一向都好鍾意食日本拉麵，我特別重視個湯底。朋友介紹呢間餐廳，有隻拉麵，叫雞白湯拉麵，$138，係用雞熬湯，仲要熬好多個鐘頭，先出嘅奶白色濃厚雞湯，再配上超好食嘅拉麵。所以決定一試。我一入到去嘅時候，天氣太熱，所以先叫咗支啤酒嚟涼一涼，呢支啤酒係用赤米釀出來，唔苦，好重米香味，再加上超冰凍，係幾正，$48。之後就係叫咗個雞白湯拉麵🍜，鮮炸長條型嘅係牛蒡，店員一再提醒我一定要連埋拉麵一齊食，仲要唔好浸落湯，先食到佢嘅質感同埋原汁原味。咬落去嘅時候勁脆，而且牛蒡味都好香。之後就係佢啲拉麵，稍稍硬身，質感頗佳，再連埋雞白湯一齊食，真係好正。個雞湯除咗有好濃厚嘅雞味之外，仲有就係好Creamy。之後我再叫咗個鰻魚串，鰻魚燒得好香，皮脆，熱辣辣，好正。尤其是係連埋酒，一齊食。最後餐廳送咗個甜品俾我，係抹茶厥餅，抹茶味好香，而且都好冰凍，作為一個小完結，係幾好嘅。