Video
Read full review
2020-10-22
515 views
好多國家都有各自獨特嘅早餐文化，而好多唔同國家嘅早餐都可以喺香港呢個地方食到。但我最鍾意嘅，始終都係茶餐廳嘅早餐。今日去左呢間裝修比較懷舊簡樸嘅茶記食早餐。佢有張檯係比一個人坐嘅，而我好開心今日可以坐到呢張檯。早餐 $40揀左沙爹牛肉米粉、菠蘿包、茶走，仲有煎蛋。其實本身想揀沙爹牛麵，但覺得呢個早餐已經夠邪惡，唯有懶係健康咁揀米粉算。沙爹牛肉米粉一見到嗰陣都幾震撼。可能係我食過嘅沙爹牛肉米當中最多塊牛肉嘅一碗。牛肉多到舖滿曬成碗米粉，隻碗唔大，佢係裝到啱啱好唔會瀉咁，米粉同沙爹牛肉好多但湯唔多，所以撈埋之後好濃好濃沙爹味，濃到好似沙爹牛肉撈米粉咁。米粉煮得好軟身，感覺唔難消化。啲沙爹一開始食第一啖嗰陣覺得甜甜地，之後食下食下就覺得鹹。味道唔係話特別好食，但個份量同濃度就好驚喜。菠蘿包通常呢啲早餐都係配牛油多士/牛油麵包。呢到就特別啲，有得揀餐包或者菠蘿包。咁我以為呢啲跟餐嘅菠蘿包會係迷你size啦，點知佢好大個，大過我喺麵包舖可以買到嘅菠蘿包。仲有口感好紮實。好鬆軟好好食就唔算係架啦，但就真係好飽肚。食量大嘅男士應該幾啱食呢個餐。煎蛋都幾多油，個蛋黃超級流心。好似間間茶餐廳都會將雞蛋同
今日去左呢間裝修比較懷舊簡樸嘅茶記食早餐。佢有張檯係比一個人坐嘅，而我好開心今日可以坐到呢張檯。
早餐 $40
揀左沙爹牛肉米粉、菠蘿包、茶走，仲有煎蛋。其實本身想揀沙爹牛麵，但覺得呢個早餐已經夠邪惡，唯有懶係健康咁揀米粉算。
$40
20 views
0 likes
0 comments
沙爹牛肉米粉
一見到嗰陣都幾震撼。可能係我食過嘅沙爹牛肉米當中最多塊牛肉嘅一碗。牛肉多到舖滿曬成碗米粉，隻碗唔大，佢係裝到啱啱好唔會瀉咁，米粉同沙爹牛肉好多但湯唔多，所以撈埋之後好濃好濃沙爹味，濃到好似沙爹牛肉撈米粉咁。米粉煮得好軟身，感覺唔難消化。
啲沙爹一開始食第一啖嗰陣覺得甜甜地，之後食下食下就覺得鹹。味道唔係話特別好食，但個份量同濃度就好驚喜。
沙爹牛肉米粉
27 views
0 likes
0 comments
菠蘿包
通常呢啲早餐都係配牛油多士/牛油麵包。呢到就特別啲，有得揀餐包或者菠蘿包。咁我以為呢啲跟餐嘅菠蘿包會係迷你size啦，點知佢好大個，大過我喺麵包舖可以買到嘅菠蘿包。仲有口感好紮實。好鬆軟好好食就唔算係架啦，但就真係好飽肚。食量大嘅男士應該幾啱食呢個餐。
菠蘿包+煎蛋
18 views
0 likes
0 comments
煎蛋
都幾多油，個蛋黃超級流心。好似間間茶餐廳都會將雞蛋同麵包放喺同一隻碟上面，但其實我唔係好鍾意咁。因為我覺得啲油同埋蛋汁好容易流過去啲包到，影響到個包。所以我食呢隻煎蛋嗰陣好小心翼翼，好驚啲蛋黃汁會流左去個菠蘿包到。
茶走
個人鍾意飲茶走多過熱奶茶。呢杯係正常茶走啦，唔會有過多嘅煉奶所以唔會過甜。但都唔係好滑。普通quality啦。
茶走
14 views
0 likes
0 comments
本身想試埋呢到嘅蛋撻同雞批，但其實個早餐食左一大半就已經好飽，完全試唔到更多嘅野食。同埋因為唔想浪費食物，所以食曬成個早餐，食完之後飽到想嘔，到依家都未肚餓。如果大家好肚餓/食完之後要飽好耐嘅話，強烈建議大家食呢間。
Post
