手作功夫茶 (天瑞商場)

Open Now

Now Closed

放假無聊喺天水圍打個轉，今岩見到一間台式手搖飲品店，咁就一時興起想飲番杯嘢，而且嗰陣天時熱，最啱就係飲返杯凍嘢涼下個身體。我經過嘅時候排隊嘅人唔係好多，所以由等買嘢到攞到杯嘢嘅時間唔算好長，十分鐘內就搞得掂。對比起其他台式飲料店呢間舖嘅嘢唔算貴，性價比高。珍珠奶綠 $24本身叫左珍珠奶綠，唔知係本身就有黑糖加入去定係佢加多咗，飲落口就有好濃嘅黑糖味，成杯嘢飲極甜，飲唔慣甜野嘅人可能接受唔到，不過個甜味唔會掩蓋咗綠茶嘅味道，綠茶味道好飲，奶味都夠，如果個甜度少啲成杯嘢就好完美。珍珠用量都唔少，成杯嘢飲到最尾我都飲到珍珠，珍珠彈牙唔會太軟淋，有咬口，一啲都唔遜色。