滿屋日本料理 (大鴻輝(荃灣)中心) (Closed)

幾年前食過呢間放題覺得質素唔錯，今次同媽咪食，揀左最高級嘅極致大拖羅 x 海膽 x 鵝肝滄海三重奏，諗住狂食海膽😍極品大拖羅刺身、加拿大海膽、松葉蟹腳、香煎鵝肝150分鐘無限任食，上菜速度快而且冇漏單，值得一讚。我哋主攻海膽，非常鮮甜，叫幾多黎幾多😍其他刺身質素都好唔錯，甜蝦大隻，北寄貝帆立貝新鮮爽滑。熱食都有好多選擇：鵝肝好香口，薄薄一塊唔會太油膩。鮑魚入味軟稔。花膠一大塊仲有啲彈牙口感，燒雞翼、羊架菠蘿食得最多；榴槤炸彈同香芋圓子必食。最後有哈根大師同movenpick雪糕，出面仲有甜品櫃，維記雪糕杯，呢餐真係食到好滿足。