Video
Read full review
2022-08-30
687 views
天氣熱，在觀塘工業區走了一圈，已經係成吉思汗打仔，大汗𢱕細汗，行到索哂氣，見到呢間餐廳，望望外面個餐牌，睇吓有無啲特別嘢吸引我先，有啦！拿破崙炒意粉，乜嚟㗎？一於入去試下先！入去之前，慣例安心出行掃咗先啦！但奇怪，無人檢查，又無人招呼，唔理啦！見到近門口有個無人卡位，坐低先啦！拎起個完整餐牌望望，最終決定都係叫拿破崙炒意。叫侍應落order，唔使兩分鐘已經連奶茶及意粉已經送到，真係快過打針，細心睇吓個場，幾乎全滿，又頻頻出外賣，可想而知佢哋效率有幾高。先試杯奶茶，有茶味，濃而不澀，唔錯。到主角啦！謎底揭盅，原來係三色椒、火腿、雞肉腸炒意粉，味道一般茶餐廳貨色，沒有驚喜。日後肚餓，又唔揀擇嘅話，呢間絕對可以好快滿足你嘅要求
入去之前，慣例安心出行掃咗先啦！但奇怪，無人檢查，又無人招呼，唔理啦！見到近門口有個無人卡位，坐低先啦！拎起個完整餐牌望望，最終決定都係叫拿破崙炒意。
叫侍應落order，唔使兩分鐘已經連奶茶及意粉已經送到，真係快過打針，細心睇吓個場，幾乎全滿，又頻頻出外賣，可想而知佢哋效率有幾高。
先試杯奶茶，有茶味，濃而不澀，唔錯。
到主角啦！謎底揭盅，原來係三色椒、火腿、雞肉腸炒意粉，味道一般茶餐廳貨色，沒有驚喜。
日後肚餓，又唔揀擇嘅話，呢間絕對可以好快滿足你嘅要求
奶茶
$3
24 views
0 likes
0 comments
拿破崙炒意粉
$52
22 views
0 likes
0 comments
Post
