見見面 (琉璃街) (Closed)

之前做research已經book mark咗哩間打算有機會要試下。見到哩間餐廳啲食評全部都好正面，滿懷期待地諗住試新嘢，點知極度失望。食之前完全冇打算寫食評，並冇影到相。食完之後忍唔住想抒發下，所以得啲食完嘅食物相。由於食咗tea冇耐，淨係order咗三道餸。第一道上枱嘅係四季豆，味道都ok，就係偏重味精。之後係水煮桂花魚，魚嘅份量都算多，不過魚肉味道一般，筷子一夾就散，配菜得大量芽菜同兩條薯粉。無論味道定配菜方面，出面都有大把更好嘅選擇。最後哩到餸就係令我忍唔住寫哩篇食評嘅原因。哩道水晶粉嘅味道就好似你”畢”咗一匙羹味精直接擺人口食一樣！