Video
Read full review
2018-04-07
670 views
喺尖沙咀想食高質素嘅日本嘢，唔少朋友都推介鮨一，今次終於抽到時間去試，果然係名不虛傳，尤其是呢度最出名嘅馬糞海膽、甲羅燒，一定必食！仲有矜貴嘅池魚王刺身，極鮮極甜，雖然比一般池魚貴但都值得食。開場嘅白子刺身係時令嘢，唔係成日有得食，所以趁機會梗要試吓，食落鮮甜唔腥，配合微酸嘅汁，清新開胃，好適合作為前菜。另外我哋亦點咗蕃茄海葡萄沙律，用嘅係日本蕃茄，又甜又多汁，海葡萄非常新鮮爽脆，好食又健康。呢度嘅日本厚岸蠔亦好大隻、好鮮甜，滴少少檸檬汁更加提升鮮味，所以其實最緊要係食材新鮮，簡簡單單已經係最好食。刺身必食池魚王，矜貴之處係高級日本食肆及五星級酒店先食到，呢度師傅刀功極強，薄切到睇到碟上花紋，食落極清甜爽滑，脂肪比例亦適中，一食就知係新鮮日本直送運到，池魚王雖然係貴過一般池魚，但鮮甜程度係超越好多倍，所以絕對值得食。嚟到鮨一，其中一樣最出名嘅係日本馬糞海膽，今次呢個手卷，海膽鋪到滿晒，真係從未見過咁足料嘅海膽手卷，味道非常鮮甜，配埋爽脆紫菜，令整體濃而不膩，恰到好處。另一重點係甲羅燒，蟹羔撈蛋黃令蟹羔香味更出，啲咁濃郁嘅蟹羔，配上多士真係一流，如果食得落，我覺得用嚟撈白飯都會好正。 清
開場嘅白子刺身係時令嘢，唔係成日有得食，所以趁機會梗要試吓，食落鮮甜唔腥，配合微酸嘅汁，清新開胃，好適合作為前菜。
白子刺身
62 views
0 likes
0 comments
另外我哋亦點咗蕃茄海葡萄沙律，用嘅係日本蕃茄，又甜又多汁，海葡萄非常新鮮爽脆，好食又健康。
蕃茄海葡萄沙律
31 views
0 likes
0 comments
呢度嘅日本厚岸蠔亦好大隻、好鮮甜，滴少少檸檬汁更加提升鮮味，所以其實最緊要係食材新鮮，簡簡單單已經係最好食。
日本厚岸蠔
34 views
0 likes
0 comments
刺身必食池魚王，矜貴之處係高級日本食肆及五星級酒店先食到，呢度師傅刀功極強，薄切到睇到碟上花紋，食落極清甜爽滑，脂肪比例亦適中，一食就知係新鮮日本直送運到，池魚王雖然係貴過一般池魚，但鮮甜程度係超越好多倍，所以絕對值得食。
池魚王刺身
55 views
0 likes
0 comments
嚟到鮨一，其中一樣最出名嘅係日本馬糞海膽，今次呢個手卷，海膽鋪到滿晒，真係從未見過咁足料嘅海膽手卷，味道非常鮮甜，配埋爽脆紫菜，令整體濃而不膩，恰到好處。
馬糞海膽手卷
30 views
0 likes
0 comments
另一重點係甲羅燒，蟹羔撈蛋黃令蟹羔香味更出，啲咁濃郁嘅蟹羔，配上多士真係一流，如果食得落，我覺得用嚟撈白飯都會好正。
甲羅燒
100 views
0 likes
0 comments
甲羅燒
49 views
0 likes
0 comments
清酒煮蜆亦都頗出色，每隻蜆厚肉清甜，連個湯都好正，尤其今晚食咁多刺身，食番啲熱嘢都幾舒服。
清酒煮蜆
34 views
0 likes
0 comments
不得不提個雜錦天婦羅，個炸粉做得好好，唔會太厚或太稔，亦都唔會太乾，算係幾高質素。
雜錦天婦羅
38 views
0 likes
0 comments
特盛鰻魚極肥美，肉質唔會太稔，而個燒汁亦非常惹味，係好食嘅，不過真係太大份，我哋兩個人忍唔住食晒，最後飽到上心口。
特盛鰻魚
26 views
0 likes
0 comments
池魚王刺身
108 views
0 likes
0 comments
Post
