半島冰室

Open Now

Now Closed

下午食晏時，終於有機會試到半島冰室呢間餐廳！平時呢間餐廳係排哂長龍，每日都見有幾十人排隊，所以有機會試係好興奮。甘我就叫左個自家製手打芝士漢堡扒配意粉。雖然係一般茶記既感覺，但食物非一般之作。食物一黎到，我都哇左聲係塊漢堡扒度。佢有成隻手掌咁大，成吋厚，相當吸引！淨係足料已經相當抵讚！雖然表面煎得有d燶。但食落口感一流。內裏肉汁充足，不會煎得耐左而乾身。而內裏仲有洋蔥粒，帶出肉既鮮味。黑椒汁同芝士更加錦上添花。令人會一口一口咁停唔到口呀！而且扒夠厚，食得好過癮，好似食極都有既感覺。而62元既價錢黎講，係好吸引！