食包 (Closed)

行完金都，經過啲間漢堡店，見佢個樣都幾得意就試吓，點知原來開心大發現，冇期待反而有驚喜，真係幾好食😆 店舖主要做外賣，得2張二人枱。裝潢走玩味風格，都係一啲8bits 圖案，對熱愛打機人士（仲要係80後以上）一定非常熟悉🤣成個廚房都係開揚設計，完全睇到入面個運作，由落單、切包皮，準備配料同煎漢堡都一覽無遺😎。漢堡包都有唔少款式（價錢由$62-92），加$18 多個小食同一杯罐裝飲品。另外仲有熱狗添！我哋叫左兩個餐，漢堡足料又好味，薯條炸雞都一樣出色，一個滿足感爆燈嘅快餐！🍔WB豬牛薯堡👍🏻👍🏻👍🏻👍🏻👍🏻寫明係mega，果然真係好巨型！配料好豐富，除左漢堡扒有蕃茄、煎流心蛋（真. 流心）、芝士片、薯餅、生菜。漢堡扒非常有牛肉味，薯餅炸得夠脆，最正係整個包都係熱辣辣，份外滋味！🍔 肉醬漢堡 👍🏻👍🏻👍🏻👍🏻同WB經典漢堡一樣有蓄茄、煎流心蛋、芝士片、生菜、漢堡扒，唯一分別係加左波隆拿肉醬（Bolognese sauce），各有特色。🍟薯條👍🏻👍🏻👍🏻👍🏻加左好多調味粉，而且炸得夠脆，幾好食。最正係佢個茄汁🥫，唔係一般嘅茄汁而係帶有少少tabasco 味道嘅茄汁，幾特別，好味！🍗青山炸雞👍