Video
Read full review
2013-03-02
100 views
今(2-3-2013 Sat)同男友起身後食早餐,佢話o黎呢間,我o地入到o黎o岩o岩有卡位坐,坐低後男友要$28.00o既C餐,低脂高鈣鮮奶麥皮配冰鎮菠蘿油或鮮油餐包,佢揀前者同加$2.00要凍奶茶.我要$28.00o既A餐,鮑魚絲,火腿通粉配西煎雙蛋同牛油方包,同樣加$2.00要凍奶茶.好快,所有o野都到齊.我先食啖男友o既低脂高鈣鮮奶麥皮,果然係難食,難食唔係因為佢o地做得唔好食,而係我自己唔鍾意食鮮奶麥皮.之後我又先飲啖凍奶茶,好甜但有茶味,反而唔差.然後我正式開餐,通粉份量唔多唔少,但竟然好淡,好似只用滾水煮咁,而且唔熱只係暖,明顯係一早已經勺定等人叫.男友食佢o既冰鎮菠蘿油,但見到個菠蘿包被壓扁有啲灰,我又試食吓,幸好菠蘿包重係暖暖地加返啲分.最後係我o既西煎雙蛋同牛油方包,呢啲冇難度o既o野正常冇問題啦.服務:唔知係咪人少,亞姐冇幫我o地安排坐位同冇趕客,只係出o左去畀o左錢收銀講聲多謝.咁至令人舒服啲o架嘛.上次食評: http://www.openrice.com/restaurant/commentdetail.htm?commentid=2261225
好快,所有o野都到齊.我先食啖男友o既低脂高鈣鮮奶麥皮,
果然係難食,難食唔係因為佢o地做得唔好食,而係我自己唔鍾意食鮮奶麥皮.之後我又先飲啖凍奶茶,
好甜但有茶味,反而唔差.然後我正式開餐,通粉份量唔多唔少,
但竟然好淡,好似只用滾水煮咁,而且唔熱只係暖,明顯係一早已經勺定等人叫.男友食佢o既冰鎮菠蘿油,
但見到個菠蘿包被壓扁有啲灰,我又試食吓,幸好菠蘿包重係暖暖地加返啲分.最後係我o既西煎雙蛋同牛油方包,
呢啲冇難度o既o野正常冇問題啦.服務:
唔知係咪人少,亞姐冇幫我o地安排坐位同冇趕客,只係出o左去畀o左錢收銀講聲多謝.咁至令人舒服啲o架嘛.
上次食評: http://www.openrice.com/restaurant/commentdetail.htm?commentid=2261225
Post
