高流灣海鮮火鍋 (Moved) New Location

最近天氣開始轉涼,一諗到食乜就即刻諗起打邊爐。本來諗住去金牌火鍋O既,點知7點幾光到個資客就話已經FULL到9點喎...見佢地做到咁串,聽同事講話附近山林道果間高流灣打邊爐都一樣幾出名,咁咪決定去試下囉!一去到就見到佢地老闆係門口落手落腳幫手,而且一去到就有位,上到樓上人都差不多坐滿,侍應有4~5個唔算多,但反應唔錯!但係就HARD SALE左o的囉,櫈都未坐熱就狂sale我地食貴海鮮...最後我地三個人叫左海底椰湯底,手切肥牛,羊肉,豬潤,招牌鮮尤丸,脆肉鯇魚片,皇帝菜,聖子皇x3,王老吉x3食物都幾新鮮,聖子都好大隻,不過熟左就縮水囉!反而最想同大家推介o既係個招牌丸囉,因為平時對丸類不大感興趣o既我,總覺得o的丸由食材至調味製作都唔係太新鮮咁,但係哩一個丸反而令我改觀呀!一咬落去已經食唔出佢係丸啦，因為啖啖鮮尤魚肉，而且丸裡面加左蟹籽，令口感昇華！最難忘都係哩個招牌丸呀！