新記雞粥 (筲箕灣道)

Open Now

Now Closed

今日難得放假，就決定約下好耐冇見的朋友吃個午飯。朋友是筲箕灣的「地膽」，所以由佢決定吃午飯的地方。朋友推介吃「新記雞粥」，佢話因為這間餐廳在元朗已開業很多年，是「老字號」，所以要和我去試一試。我們坐下來看過餐牌後，看到有好幾個招牌菜都相當吸引，於是點了「必點」雞粥、香脆炸大腸、蜆介鯪魚球、海蜇燻蹄、叉燒腸。貴妃雞粥即叫即煮，雞肉嫩滑又有彈性，帶陣陣的藥材香，粥底稠身綿滑，滲著淡淡的雞油，增加鮮味。我們還額外加配了碎肉及泥鯭，入口啖啖滋味，相當滿足。香脆豬大腸內裡夠乾淨，外皮既薄又脆，上桌時熱騰騰，炸得鮮嫩，不會乾皺皺。蜆蚧鯪魚球相當大粒，外表脹卜卜，炸得金黃香口，吃得出是用上新鮮魚肉打成，魚味濃又彈牙。腸粉即叫即拉，腸粉的叉燒餡料份量足，腸粉皮厚薄適中，而且帶有米香，吃下去很滑。海蜇燻蹄雖然是涼盤小吃，但是份量都相當多，海蜇彈牙爽口，燻蹄切得夠薄，蘸上醬汁吃，一流。這裏的菜式份量多，味道亦相當不錯，令我吃過後回味無窮，所以我打算下次帶家人一同來多吃一次。