Video
Read full review
2023-07-15
5089 views
「牛大人」係坊間出名性價比高嘅日式火鍋放題，但我竟然到今天才有時間親身光顧。觀塘分店面積好大，裝修間隔舒服闊落。樓底夠高，又有仿木系窗簾仲打着柔和的燈光，走高格調文青台式火鍋路線。飲品凍櫃款式好多，聽朋友講每次嚟都有新嘅發現。我喜歡自家出品嘅「白桃烏龍」及「洛神花茶」，濃淡得宜唔會太甜。Like 店家嘅社交平台仲送「益力多乳酸綠茶」。包裝衞生，味道唔錯，台式茶飲店的質素。👍🏻入座時已選好火鍋底:「阿嬤養生濃湯」。湯底清甜滋潤不燥熱，有大白菜、桂圓、桃膠、蟲草花等等養生材料😋咁難得嚟到，我哋揀咗至top 套餐 「極上和牛吃到飽」反正怒吃一於要盡興😋🌟先送上和牛牛丸，大大粒超大牙，咬開仲爆汁，牛油豐富，肉味好濃，非常美味。真想問問那裏有成品可賣~巴洛鹽小麥啤酒 $68/400ml估唔到巴洛（番石榴）也可融入啤酒。味道清爽帶點果酸嘅啤酒，酒精較輕，好容易handle～精選牛肉、和牛系列、安格斯系列夾埋都有約8款牛肉。推介幾款回本款式：澳洲和牛M5牛肩卷：肉味濃，脂肪分怖平均。安格斯牛小排：牛脂牛肉味同樣豐富，肉質竟然比M5澳洲和牛牛肩卷更嫩滑！手切封門柳：牛肉最原汁原味，接近零脂肪嘅牛柳，健
「牛大人」係坊間出名性價比高嘅日式火鍋放題，但我竟然到今天才有時間親身光顧。觀塘分店面積好大，裝修間隔舒服闊落。樓底夠高，又有仿木系窗簾仲打着柔和的燈光，走高格調文青台式火鍋路線。
飲品凍櫃款式好多，聽朋友講每次嚟都有新嘅發現。我喜歡自家出品嘅「白桃烏龍」及「洛神花茶」，濃淡得宜唔會太甜。
益力多乳酸綠茶
17 views
0 likes
0 comments
阿嬤養生濃湯
55 views
0 likes
0 comments
湯底清甜滋潤不燥熱，有大白菜、桂圓、桃膠、蟲草花等等養生材料😋
咁難得嚟到，我哋揀咗至top 套餐 「極上和牛吃到飽」反正怒吃一於要盡興😋🌟
先送上和牛牛丸，大大粒超大牙，咬開仲爆汁，牛油豐富，肉味好濃，非常美味。真想問問那裏有成品可賣~
和牛牛丸
47 views
0 likes
0 comments
巴洛鹽小麥啤酒 $68/400ml
估唔到巴洛（番石榴）也可融入啤酒。味道清爽帶點果酸嘅啤酒，酒精較輕，好容易handle～
精選牛肉、和牛系列、安格斯系列夾埋都有約8款牛肉。推介幾款回本款式：
澳洲和牛M5牛肩卷：肉味濃，脂肪分怖平均。安格斯牛小排：牛脂牛肉味同樣豐富，肉質竟然比M5澳洲和牛牛肩卷更嫩滑！
手切封門柳：牛肉最原汁原味，接近零脂肪嘅牛柳，健康又有牛味，唔靭冇渣，好吃得很！
海鮮方面，選擇唔算多，不過款款新鮮。
分別點了鯛魚柳和驢魚，啖啖肉味道唔錯。
沙白：蜆肉肥美飽滿，十分鮮嫩，encore了一次同樣高質👍🏻👍🏻
店家自製嘅魚漿也有幾種款式。有花枝魚魚漿、鯪魚球滑、雞肉滑、手打豬肉、牛肉滑。當中鯪魚球十分彈牙，有魚味味唔腥。
雜項有好多款嘅餃，但外表全都一模一樣，有返少少分別會較好～牛孖筋、鵝腸正常好吃～
小食方面，鹽酥雞最出色，十足台灣夜市風味😋
皮蛋豆腐就一般。食物整體出色，牛肉質素有驚喜，環境舒服，唔怪得朋友間諗唔到食咩就到「牛大人」開餐。
Post
