南島書蟲

Open Now

Now Closed

南丫島最出名就係呢一間南島書蟲，今日就嚟朝聖下先，去到好多人，基本上都full晒，可能尚早嘅關係我哋都仲有位座，佢哋主打都係西餐，我地叫咗兩杯嘢飲一個Pizza加一個意粉🍴佢地既signature drinks全部都係由生果組成，勁Fresh之餘又健康🤫，綠色嗰杯就係青瓜同雪梨，而黃色嗰杯就係蘋果，檸檬同薑，佢哋係凍飲，竟然係冇冰㗎，所以所有味都係好濃郁，青瓜嗰杯極Fresh，清新的感覺🤣，而蘋果個杯雖然有薑係入邊，但佢唔會好重薑味，只係淡淡的薑味香👍🏻而pizza就揀左A pizza，佢裏面係有番茄醬，巴馬火腿，火箭生菜，雖然餡料嘅款式係比較少，但佢嘅巴馬火腿係大大塊，茄醬又夠多，菜都新鮮，餅底係薄嘅，超脆，佢所有嘅配料都好入味，唔怪得知咁多人嚟朝聖，雖然Pizza既做法好似好簡單咁，但越簡單嘅嘢就越難整得好食，烤嘅程度要啱啱好，餅底要整得好食係好重要，所以呢度嘅Pizza係唔錯唔錯🍕🍝意粉就係香蒜白酒蜆意粉，佢意粉嘅份量都係正常嘅，軟硬度適中，蜆又大粒，仲要幾新鮮，食落好有鮮味，大約有10幾粒左右，唔好睇佢好似好多蒜蓉咁，但其實食落唔會好大浸蒜味，不錯不錯😋😋