Video
Read full review
2012-12-26
2698 views
仲以為11月之星壽宴要等到12月先有得食添, 點知... 朋友J朝早只係問一問大家邊日方便, 居然即晚齊人出席賀壽, 又會快到咁嘅?!! 原來食飯真係要講即興!!!有網民提過呢間三木嘅Minimum Charge同交枱時限係海鮮價, 咁神奇?!! 今晚一試, 果然海鮮!!!Book咗7點, 朋友E 6點半已到, 職員好唔客氣咁話要人齊先入得, 又叫佢自己入去搵吓我地到咗未, 又話我地冇Book位, 之後都冇人理佢... 到我來到時, 職員又話唔人齊入都得, 不過燒烤個半鐘交枱, 唔燒烤1個鐘交枱... 結果出奇地, 我地未夠7點已經齊人, 準時到呢... 勁!!! 其實餐廳入面得1-2枱客, 都唔明, 早少少放我地入去會蝕咩... 環境都幾新淨光猛... 我地呢張係6人卡位, 5個人都坐得幾舒服...我地呢班餓鬼瘋狂落單之後, 又冇咗Minimum Charge同埋交枱時限啦喎, 仲唔係海鮮價?!! 即係話, 人均消費夠高就可以食耐d, 人均消費唔夠高就要限呢樣限果樣...前菜 -- 有8碟之多, 碟碟都幾有水準... 麵豉薯仔又香又甜又粉, 最好食... 麻辣蒟蒻好特別, 第一次食,
有網民提過呢間三木嘅Minimum Charge同交枱時限係海鮮價, 咁神奇?!! 今晚一試, 果然海鮮!!!
Book咗7點, 朋友E 6點半已到, 職員好唔客氣咁話要人齊先入得, 又叫佢自己入去搵吓我地到咗未, 又話我地冇Book位, 之後都冇人理佢... 到我來到時, 職員又話唔人齊入都得, 不過燒烤個半鐘交枱, 唔燒烤1個鐘交枱... 結果出奇地, 我地未夠7點已經齊人, 準時到呢... 勁!!!
其實餐廳入面得1-2枱客, 都唔明, 早少少放我地入去會蝕咩... 環境都幾新淨光猛... 我地呢張係6人卡位, 5個人都坐得幾舒服...我地呢班餓鬼瘋狂落單之後, 又冇咗Minimum Charge同埋交枱時限啦喎, 仲唔係海鮮價?!! 即係話, 人均消費夠高就可以食耐d, 人均消費唔夠高就要限呢樣限果樣...
前菜 -- 有8碟之多, 碟碟都幾有水準... 麵豉薯仔又香又甜又粉, 最好食... 麻辣蒟蒻好特別, 第一次食, QQ彈牙, 麻香帶辣... 煎餅同炒粉絲都係高成本之作, 現在已很少有...
烤什錦牛肉 $420-- 烤什錦牛肉包括牛肋骨肉、薄切西冷、牛舌... 牛肋骨肉質柔軟, 醃料微甜, 未有掩蓋牛肉的鮮, 肉汁多d會更好... 牛舌爽彈... 薄切西冷沒有牛肋骨的甜, 但牛味亦濃... 整體都算唔錯, 不過大家都係覺得X松嘅牛肋骨好味d...
因上菜速度奇快, 我地顧住食前菜, 炒粉絲、炒年糕、煎泡菜餅一湧而上, 顧得熟嘅又顧唔到生嘅, 所以服務員剪完牛肋骨肉就順手幫我地放落個爐度烤, 真係唔該晒... 食到呢度, 大家都醒起係X城果次比阿珠媽鬧嘅事件...
嘻嘻... 唔知點解, 今餐我又唔係壽星, 居然可以食到殘廢餐, 朋友J, 辛苦晒~
韓式炒粉絲 $120-- 味道都唔錯, 炒得好香, 味道好均勻, 好多牛肉, 好足料...
炒年糕 $120-- 冇被汁浸住的年糕微辣, 浸住的好辣, 朋友N以為係茄汁, 大大啖咁食, 大叫好辣, 哈哈... 年糕軟腍不彈牙, 但係口感都OK嘅... 好鍾意豆腐皮, 大大片, 幾有咬口...
煎泡菜餅 $100-- 張枱已經擺到滿晒, 1個服務員仲幫我地烤緊肉, 另1個服務員建議幫我地係第2張枱分好個煎泡菜餅, 所以未有影到全相... 煎餅又香又薄又脆, 泡菜好冶味, 蘸少少辣椒豉油, 好味呀!!!
煎泡菜餅嘅顏色之所以咁奇怪, 係拜窗外面嘅霓虹燈招牌所賜...
海鮮煎蔥餅 $100-- 食完煎泡菜餅, 一向練仙嘅朋友N居然話要叫多1個煎餅, 嘩, 真係估你唔到... 結果我地又叫多1個海鮮煎餅, 呢個厚身d, 腍d, 有d腥, 冇鮮味... 我鍾意煎泡菜餅多d...
辣海鮮鍋 $380 -- 嘩!!! 好大條八爪魚呀!!! 唔知邊個問個服務員, 條八爪魚唔郁嘅?!! 見到服務員想笑又唔敢笑, 答佢話"係呀, 我地呢度d八爪魚係唔郁o架", 我笑咗囉...
朋友D驚我唔受得辣, 所以要求辣醬另上, Thank you呀!!! 未落辣醬前, 飲咗啖湯, 超鮮甜呀, 仲好重蟹味, 好正!!! 反而加咗辣醬之後, 剩係得個辣字, 失色好多...
感謝朋友J主動幫我夾起隻八爪魚比我影相... 亦感謝朋友D主動幫我夾起片烤肉比我影相... 有你地嘅支持, 我可以影得更輕鬆啦...
個鍋入面有好多材料, 除咗八爪魚, 仲有蝦、帶子、魷魚、魚、蟹、豆腐、金菇、蔥、黃芽白, 好豐富!!! 蟹肉好霉, 蟹身黑忟忟... 豆腐唔滑... 帶子縮水後好細粒... 魷魚鮮味彈牙...後面張枱全程超嘈, 嘈到卡位塊木板都震埋, 全場至嘈, 我地好大聲咁講o野都聽唔到, 喉嚨都痛埋, 根本傾唔到計!!!
食完冇糖水/茶送, 冇生果送, 冇香口膠/香口珠送, 百無!!! 唯有轉場去The One食乳酪, 先可以真真正正傾一陣計...
5個人埋單唔使千五蚊, 比想像中抵食, 味道中上, 服務係入席前差d, 之後都幾OK, 座位都相當舒適, 係嘈d囉... 韓國菜o黎講, 都係一個唔錯嘅選擇...
Post
