LA FAMILLE

Open Now

Now Closed

之前嚐過好多次La famille 既戚風蛋糕🍰，賣相精緻又口味繁多，是但一款都可以滿足到你，而咁多口味入面我對柚子味情有獨鍾😍而今次要慶祝同事生日🎂，決定買一個生日蛋糕🎂慶祝一下。早早上網睇食Research 🤣 三日之前致電去訂，發現近派有新既口味： 日本🇯🇵柚子芝士梳芙厘 🥳因為係早早訂咗，朱古力生日牌子可以提供埋，付款時仲會比埋一把膠🔪同蠟燭🕯️，仲好貼心咁提供埋靚靚保溫袋。😎日本柚子芝士梳芙厘 （HKD 398) 15 cm :賣相精緻高級，頂層有大量草莓🍓藍莓同覆盤子，賣相精美絕倫。再來面層有滿滿來自日本🇯🇵的柚子醬，食落帶來清新感，甜而不膩。用料上乘，口感鬆軟濕潤，最神奇係La famille 蛋糕🎂永遠都保持到蛋糕既濕潤度，再一次見識都大為震驚。加入忌廉芝士的蛋糕更帶有陣陣芝士的香味，梳芙厘部分好好輕盈，味道香甜，帶有淡淡的芝士香味，而且不會太膩，蛋糕外圍係一層好滑既忌廉，百分百日本🇯🇵用料，好滿足。日本柚子既酸甜清新，配上香而不烈既芝士，真係可以自己獨食。😂下次會再買其他口味試下。