媽咪雞蛋仔 (Closed)

上次食過雞蛋仔，今次經過又無乜人排隊咁就梗係試埋格仔餅啦。諗左好耐究竟食咩味好，太多選擇，有幾樣都好吸引…最後都係決定食原味先。我自己食開格仔餅走砂糖，覺得好食啲。再加杯冰咖啡。等左五至十分鐘，聞到好香雞蛋味，無耐就送上小食同飲品。格仔餅明顯比出面賣既厚少少，熱呼呼好香，花生醬塗得好厚。食落口外脆內軟，厚厚既花生醬味煉奶味，好好食好滿足。我覺得呢間格仔餅好食過雞蛋仔呢~杯咖啡唔太甜，啡味香濃，十幾蚊杯，好鬼抵飲吖!!