Video
Read full review
2023-02-11
2652 views
#konggirlss同其他鐵板燒一樣 餐廳一邊係鐵板燒區 有幾個廚師係度煮緊嘢食 另一邊就係普通枱 每張枱都好闊落 我估大家嚟得食鐵板鐵都想坐鐵板區望住廚師即刻煮比你食 如果係嘅話大家要早少少book位 因為呢度鐵板燒位好快full哂(≧▽≦) 嘢食方面我地4個人一共叫咗2個special course 另外再散叫嘢食🔻Special course: $550-580/set 1. 前菜: 紅酒牛尾 好味好淋 沙律同其他高級少少嘅餐廳一樣 係醋沙律 好開胃 2. 配菜: 有海鮮 可以選擇蝦/ 帆立貝/ 鰻魚/ 魷魚 我地就揀咗帆立貝同埋鰻魚 帆立貝幫我地一開四後都有肉食 算幾大粒 燒得好平均好好食 但係個鰻魚就略嫌燒得太燶 同埋佢好薄所以有少少乾身唔夠juicy 之後仲有炒野菜 其實即係炒芽菜 佢加埋菇一齊落去炒 都幾惹味 3. 主食: 可以自選肉類 價錢唔一樣 我地揀咗牛& 黑豚肉 個牛係切粒上碟 但佢係燒完再切粒 因為唔係面面都有燒過 係好食嘅 因為都幾有牛味又唔韌 個黑豚肉切得好薄 包住啲蔥一齊燒 出奇地好食 可以夠薄佢唔會韌 之後仲有一碗味噌湯 味道啱啱好唔會太咸又唔會似粉
同其他鐵板燒一樣 餐廳一邊係鐵板燒區 有幾個廚師係度煮緊嘢食 另一邊就係普通枱 每張枱都好闊落 我估大家嚟得食鐵板鐵都想坐鐵板區望住廚師即刻煮比你食 如果係嘅話大家要早少少book位 因為呢度鐵板燒位好快full哂(≧▽≦)
嘢食方面我地4個人一共叫咗2個special course 另外再散叫嘢食
🔻Special course: $550-580/set
1. 前菜: 紅酒牛尾 好味好淋 沙律同其他高級少少嘅餐廳一樣 係醋沙律 好開胃
2. 配菜: 有海鮮 可以選擇蝦/ 帆立貝/ 鰻魚/ 魷魚 我地就揀咗帆立貝同埋鰻魚 帆立貝幫我地一開四後都有肉食 算幾大粒 燒得好平均好好食 但係個鰻魚就略嫌燒得太燶 同埋佢好薄所以有少少乾身唔夠juicy 之後仲有炒野菜 其實即係炒芽菜 佢加埋菇一齊落去炒 都幾惹味
3. 主食: 可以自選肉類 價錢唔一樣 我地揀咗牛& 黑豚肉 個牛係切粒上碟 但佢係燒完再切粒 因為唔係面面都有燒過 係好食嘅 因為都幾有牛味又唔韌 個黑豚肉切得好薄 包住啲蔥一齊燒 出奇地好食 可以夠薄佢唔會韌 之後仲有一碗味噌湯 味道啱啱好唔會太咸又唔會似粉溝水 仲有碗炒飯 有蛋黃蝦粒去炒 粒粒分明 幾有驚喜
4. 甜品: 生果/ 雪糕 餐廳見我地有4人好好咁比咗4份甜品我地 雪糕同牛角水準差唔多
🔻散叫食物:
>Tempura $230 - 炸粉唔會落得好重手 做到天婦羅用炸皮煮熟入面食物嘅精髓
>燒牛舌 - 厚切牛舌 咬落口感幾好 燒得啱啱好
>Beef Fried Noodle $120 - 少少失望 話明牛肉炒麵 成碟拼埋應該先得一塊牛
>Assorted Sushi $550 - 好食 佢大慨有10件壽司 再加6粒卷物 我平時唔生魚生 都食咗幾件
> Duck liver $240 - 好肥美 油香味重 入口即溶 不過佢下面係放咗塊方包吸油 而唔係配多士食
最後埋單每人大慨$750 價錢上覺得少少貴 但我地叫咗都幾多嘢食 炸嘢煎嘢炒嘢生嘢甜品都食齊 所以我覺得如果係有慶祝活動嚟食都係幾好嘅選擇嚟嘅！(同埋我地叫咗200ml sake 所以可能都會貴少少…( ´ ▽ ` )ﾉ 仲有一點要提 就係呢度服務好好 你一入去就會有好多waitress歡迎你 因為入面客人唔多 啲waitress好易會留意到你需要 主動問你要咩等等( ^ω^ )
▽ Rating ▽
好食: 8/10
環境: 8/10
推薦: 7/10
人均消費$750/ person
📍松菱日本料理
灣仔港灣道1號會展商場3樓
Post