Villa Villa (Closed)

大角咀屬於傳統舊區，自從成為市區收購及重建的重點地區後，變化越來越大，偶然經過都會在附近小店覓食。行過埃華街見到Villa Villa，望入去都幾有格調，而且坐位都闊落，應該都坐得舒適，就一於入去覓食。餐牌好有質感，用上唔同材質整成，連餐牌都一絲不苟，店主應該對食物的要求都會高。芝麻雞翼(4隻)雞翼超好食，皮炸得香脆唔肥膩，雞肉嫩滑juicy，雞翼用上少少辣的調味粉醃製，令雞肉好入味。餐湯南瓜湯香滑香濃，配上外脆肉軟的香草包，唔錯。傳統卡邦尼意粉卡邦尼汁好creamy，有好豐富的芝士味，加上少少煙肉及蘑菇，味道好有層次，意粉軟硬適中，每條均能掛上卡邦尼汁。自家製特選美國牛肉漢堡配沙律及薯條牛肉漢堡味濃厚，漢堡包香軟，配上芝士及太陽蛋食，唔錯。薯條炸得香脆不肥膩，沙律新鮮。秘製燒春雞 (半隻)燒春雞燒得火喉剛好，秘製醬汁味道好有層次，自家製的芥茉醬除了用來醮雞外用來醮薯條也一樣正。天然玫瑰花冰紅茶冰紅茶配上可調理肝氣、緩和情緒、美肌養顏的玫瑰花，推介。