桻之燒 (Closed)

世間少有良心小店：雖然佢地做埋呢個星期就唔做，但我都想寫埋最後既食評作為最後既支持。香燒雞皮蝦膠：蝦膠燒果時入面塞左香茅，好香口，外面用雞皮包住，燒到脆哂，完全無哂雞脂味，好特別既手工菜。醉鴿：我諗我唔會再食到咁好食嘅醉鴿，食過返唔到轉頭。宇宙無敵好食生腸：我不嬲都好鍾意食街頭小食，生腸。但係第一次喺舖頭食到咁厚肉地，咁香甜嘅生腸。絕對係全香港最好食嘅生腸，好食過肥姐生腸10倍左右。入咗餐廳就會發現大部份都係食開嘅熟客，氣氛非常之好。從來冇喺香港見過一間咁有人情味，服務態度咁好，食品咁高質嘅餐廳。另外，如果你係鍾意飲清酒嘅朋友，一定要黎試一試。