梅光軒 (Closed)

第一次光顧梅光軒，而梅光軒位於希慎Ｂ２地庫，原先跟朋友係銅鑼灣行街，之後佢就話要行下誠品書店，陪佢睇下書又同佢行下埋希慎個Ｄ舖頭，之後佢就話肚餓，之後同佢行左去Ｂ２見到　間叫梅光軒既拉麵店，之後就比佢拉左埋去，話要食。其實一開始我都無咩興趣，我又諗唔到有咩拉麵好食，都係好普通咁叫左個叉燒拉麵，之後叉燒拉麵仲有幾種，好似有鹽味、味噌同醬油拉麵，我就選左醬油叉燒拉麵。醬油叉燒拉麵，湯底較清味道較薄，應該都係用豚骨及雞整成，十分都有八分左右，可能是我本身不太愛濃味的關係，呢度既湯唔算太濃太鹹，反而我覺得幾比較適合我的口味。但有點特別既係，佢拉麵既麵身外表極似公仔麵，但當然唔係啦，佢都幾彈牙，而已都掛到湯汁，整體我覺得唔錯，值得一試。