源記餐廳 (Closed)

今晚同老公去時代廣場UA睇戲，開場前先到附近揾下野食，原來源記餐廳在時代廣場斜對面開咗分店，佢地有港式茶餐，燒味同潮州滷水粉麵，多元化供應，老公最鍾愛食佢地嘅牛雜，可能時間尚早，店內客人唔多，唔使排隊，梗係立即入去食啦😄老公要咗牛雜撈粗麵，牛雜係牛蒡、牛肚、牛腸同牛腩，牛雜滷得好入味，牛腩夠腍，牛腸咬落甘香，又唔膩口，牛肚夠爽，粗麵又冇鹼水味，正😋我就叫咗油雞燒肉雙拼飯，燒肉帶少少肥先最好食，皮脆，唔太鹹，落有肉汁，豉油雞雞肉嫩滑😋侍應阿叔手腳快，禮貌好，執枱又爽手，給讚👍🏻