Video
Read full review
2020-08-23
6318 views
💮終於又輪到熊妹一年一度嘅大日子，樹熊深知熊妹喜好英式下午茶，一早預訂左全香港最高級最著名嘅《半島酒店》經典下午茶，實在驚喜萬分。🥰📌實不相瞞，作為high tea發燒友嘅熊妹竟然係未試過《半島》下午茶，都有啲慚愧，所以今次係好期待嚟到《半島酒店》朝聖一下。🤩📌華麗高貴嘅裝潢，帶出古典優雅嘅味道，熊妹頓時搖身一變，變成公主出巡。👰🏻📌樹熊一早預訂好嘅窗口位🖼，滲透着柔和嘅光線💡，唔會刺眼又有陽光氣息。窗台擺放着畫功精緻嘅大花瓶，插滿紫紅色嘅繡球花同黃菊花💐，顯得格外清幽，份外賞心悅目。👀📌《半島》下午茶供應時間為下午兩時至六時，$748兩位加一，包含多款三文治、鬆餅、甜點同兩款飲品，有各類傳統半島茶、花茶、烏龍茶等供應，真係花多眼亂。📌《半島》經典下午茶秉承英式三層下午茶嘅傳統，用上銀器製嘅三層架，擺放着一層甜點層🍩，一層鹹點層🌮，一層鬆餅層🥠，再配上一大壺花茶🍵，係咁雍容華麗嘅環境下慢慢細味各款茶點嘅美味，再與友伴把茶聊天，實在係人生一大樂事。☺️甜點層四款精緻嘅甜點，有蜜瓜忌廉撻，紅莓蛋糕，芒果馬卡龍同埋奶茶蛋糕。味道都唔算好甜，本身應有嘅味道都好出，蜜瓜味香濃，紅莓味酸酸，芒果味偏
💮終於又輪到熊妹一年一度嘅大日子，樹熊深知熊妹喜好英式下午茶，一早預訂左全香港最高級最著名嘅《半島酒店》經典下午茶，實在驚喜萬分。🥰📌實不相瞞，作為high tea發燒友嘅熊妹竟然係未試過《半島》下午茶，都有啲慚愧，所以今次係好期待嚟到《半島酒店》朝聖一下。🤩
📌華麗高貴嘅裝潢，帶出古典優雅嘅味道，熊妹頓時搖身一變，變成公主出巡。👰🏻
📌樹熊一早預訂好嘅窗口位🖼，滲透着柔和嘅光線💡，唔會刺眼又有陽光氣息。窗台擺放着畫功精緻嘅大花瓶，插滿紫紅色嘅繡球花同黃菊花💐，顯得格外清幽，份外賞心悅目。👀
📌《半島》下午茶供應時間為下午兩時至六時，$748兩位加一，包含多款三文治、鬆餅、甜點同兩款飲品，有各類傳統半島茶、花茶、烏龍茶等供應，真係花多眼亂。
Peninsula Afternoon Tea
$748
200 views
2 likes
0 comments
甜點層
160 views
0 likes
0 comments
四款精緻嘅甜點，有蜜瓜忌廉撻，紅莓蛋糕，芒果馬卡龍同埋奶茶蛋糕。
味道都唔算好甜，本身應有嘅味道都好出，蜜瓜味香濃，紅莓味酸酸，芒果味偏甜，奶茶重奶味。其中熊妹就覺得蜜瓜忌廉撻最好味，本身蜜瓜配奶已經好夾，牛油撻皮又好鬆化，成件事係非常引人入口嘅甜撻🥧。
鹹點層
129 views
0 likes
0 comments
四款鹹點配返四款甜點，主要係三款三文治🥪同埋一款三文魚鹹忌廉杯。三文治嘅麵包非常軟熟，饀料配搭有雞肉，芝士，青瓜等等，飽肚之餘又唔會好膩濟，少少一件已經好夠喉。
而另一款鹹點三文魚鹹忌廉杯，熊妹同樹熊就唔係好識欣賞啦，三文魚都幾爽口嘅，但托底嘅鹹忌廉比較鹹咗啲，同埋就咁食有點膩，熊妹認為如果可以撈相麵包會容易入口啲。
英式鬆餅
115 views
0 likes
0 comments
又到熊妹最喜愛嘅英式下午茶茶點啦，一如既往，熊妹認為好味嘅英式鬆餅一定要帶出淡淡的牛油香味同鬆化嘅鬆餅質感，《半島酒店》嘅英式鬆餅當然都唔會令熊妹失望喇。
超開心嘅係四件鬆餅都係熊妹最愛嘅提子鬆餅，因為我覺得加上提子乾嘅甜可以提升牛油鬆餅嘅口感同味道，
再搽埋跟上嘅士多啤梨果醬同cream butter，簡直完美配搭。果醬唔會太甜，熊妹最怕太假嘅甜；Cream butter質感滑滑的，淡淡的牛油忌廉香，真係鬆餅嘅最佳拍檔。
香味茶
115 views
1 likes
0 comments
《半島》下午茶咁多款茶揀，熊妹梗係要試一款花茶啦。
非常高貴嘅銀器茶具，仲有茶篩隔雜茶葉，充滿高級西洋風。
紫紅嘅茶從銀茶壺倒出，本身熊妹都好驚果茶會好甜，結果又唔係喎，少甜之餘花香味都好重，店員仲會好勤力咁不斷加水，就算飲到後期嘅茶都唔會覺得太淡味，果然值得一試。
凍檸茶樹熊都係飲唔慣高級酒店嘅西洋茶葉，決定都係揀返地道風味嘅凍檸茶🍹，始終一口酸甜嘅冰茶先啱樹熊嘅口味，鹹魚青菜，各有所愛。
英式鬆餅
75 views
0 likes
0 comments
📌多謝樹熊的細心安排，熊妹終於圓夢。💕
Post
