鳥語 (Closed)

每日Lunch都要諗下食咩，但今日誤打誤撞就黎到呢間鳥語。餐廳環境簡約，以木及布為主，係一間充滿文青氣息的餐廳，好似遠離左緊張的城市一樣，比人有一種好舒服好悠閒的感覺。今餐我就叫了沖繩Taco飯，再加$10有自家手作餐湯及黑白芝麻包。自家手作餐湯非常有驚喜，係超夢幻粉紅色紅菜頭湯，口感creamy又滑，有淡淡紅菜頭味，而香噴噴的黑白芝麻包就鬆軟好食，點上紅菜頭湯別有一番滋味。而且盛裝的器皿又靚，真係味覺同視覺都得到好好的享受。而呢個沖繩Taco飯都好好味，係飯上面有墨西哥風味的辣肉醬、溫泉蛋同香脆味辣的粟米片，而周圍圍滿了清新的沙律菜周蕃茄仔，加上蛋黃醬，將所有野mix埋一齊食，口感非常豐富，你會feel到係一啖飯裏面可以又滑又爽又脆，味道仲好豐富喔！最後嘆埋呢杯清新的綠茶，啖啖的茶香令我渡過左一個好寫意的lunch time。