Puppuccino (Closed)

嚟到呢度，以為自己去咗歐洲， 圓拱形天花 ，格仔階磚地，古雅嘅吊燈和壁燈，花雲石檯面，鋪咗cushion嘅藤椅 ，呢度仲係寵物友善餐廳，🐩🐕‍🦺🦮🐶有抽水煙嘅地方， 座位分室內及室外， 有半露天嘅座位，既曬唔到太陽，還可以感受溫暖嘅陽光，🌞和諧嘅春風。🌬 最特別嘅地方就係呢度係自己種水耕菜，供應返餐廳。貼地實行環保嘅餐廳都係第一次見 ，一定要多多支持。兩個追夢嘅人開始夢幻的一餐 大力推薦👍👍招牌海鹽黑椒烤雞半份 ＄168可以揀兩種汁，我哋揀咗黑椒汁同埋蒜蓉牛油汁 ，半隻豐滿的春雞烤到金黃色，茄子沙律菜同埋翠玉瓜伴碟，烤雞又香又多汁，連皮都好好食，再點啲黑椒汁或者蒜蓉汁更加美味。超抵食。💯特別推薦🥳🥳牛骨髓烤雞配忌廉意粉＄188一碟好震撼嘅食物送上，因為有一支大大嘅牛骨，食嗰陣時將啲牛骨髓筆出嚟撈意粉食，直程係天上人間的美味，又鮮又肥美又嫩滑，第一次食骨髓原來咁好味，此店一絕也。極力推薦💥💥水牛芝士蕃茄大蝦沙律＄118 一大碟紅紅綠綠嘅沙律， 撈咗意大利醋， 非常美味清爽，幾只晶瑩通透嘅大蝦，鮮味無比，幾舊大蕃茄，幾嚿滑嘟嘟嘅水牛芝士，當然仲有餐廳水耕蔬菜，真係一個夢幻美食。最開心嘅就係