Cafe Bauhinia (Closed)

女孩子當然周不時要去食個afternoon tea，傾下心事開心下。今次呢度既下午茶好夢幻，本身café已經比好靚既花佈滿，再推出呢個兩層花園夏日主題下午茶，同三五知己嘆完仲可以影相。上一層有芝士通粉，外貌似薯餅，有他他醬可以點黎食，芝士控一定好興奮啦；仲有nutella加花生粒粒既棉花糖碗餅乾，棉花糖拉到好高，好甜好滋味；咸點黎講有牛角包青瓜煙三文魚，同parma ham搞瓜，加左青瓜令到好refreshing，中和返三文魚同parma ham既咸；泰式大蝦，入邊有泰式既醬汁，好令人驚喜。而下一層就有西瓜同哈蜜瓜，香蕉朱古力Nutella雪糕，鮮果撻同strawberry jam pudding同雪芭，岩哂大熱天時吃一口凍甜點。而呢個下午茶仲有小白兔同精靈的裝飾，十分可愛。兩杯飲品凍飲搞檸帶酸，食完甜野呷一口refresh口腔；而另一杯blueberry honey hot tea 就解渴。最後仲影左半個鐘相先捨得走呀。