竹面譜

Open Now

Now Closed

I Love Egg🥚呢間竹面譜唔係粥麵鋪，除麵食仲係夢王蛋專門店。無論流心蛋定煎蛋都有得食。咁就唔會淨係食隻煎蛋嘅，佢哋有款夢王A5和牛丼，由鹿兒島直送嘅頂級A5和牛配夢王蛋同白飯。A5和牛完全冇筋位，非常之嫩之餘仲好香和牛油香，配甜豉油就已經好好食。夢王蛋可以叫生蛋、煎蛋、流心烚蛋、或者溫泉蛋。本身就配一隻蛋，就梗係可以自製一個三眼仔和牛丼。今次真係食到夠本，除咗和牛佢哋嘅豬頸肉都好出色。想平可以食佢哋嘅百搭飯，都係$39真係平到黐線。佢哋本身係賣開粉麵，雲吞同鯪魚球都係佢哋自己整。叫佢哋做雙拼你食就正啦，仲有佢哋嘅自家製涼茶，食完就唔怕熱氣喇。而家到8月31號做緊八八折優惠。趁暑假嚟食就仲抵啦。