Crispy Bistro (Closed)

繁忙嘅都市人都係想喺急速嘅環境下，有一個喘息嘅空間。喺西環第二街，我發現左呢一間具有森林城市風格嘅咖啡小店。一入到你所有嘅枱枱櫈櫈都係用木去打造，設計別樹一格。出邊仲有個小露台可以比要呼吸嘅朋友使用。我哋叫咗牛油果炒蛋配麵包，呢款麵包比較軟身，加上佢俾咗少少沙律菜我哋，同埋黑醋可以點，口味更加出眾。兩塊麵包好大塊，上面用料充足，炒蛋好多蛋汁，配上好多塊牛油果，佢揀嘅牛油果都唔差，好有田園風味。另外食咗奇異果開心果雪糕Waffle，好開心呀，冇諗過佢可以將兩款食材運用得咁天衣無縫。因為開心果雪糕都係綠色再加上奇異果切成一粒粒，兩隻綠色互相輝映，非常吸引，加少許忌廉係窩夫中間，再加上Nutella朱古力醬，口味好甜滑，香濃無比。最後店員建議我同朋友兩個女仔一齊試吓花果茶，女仔最鍾意飲住香噴噴嘅花果茶，高談闊論到天光！裏面有士多啤梨蘋果橙，切成一粒粒，酸酸甜甜，打開茶壺時，味道非常刺鼻，心想水果應煮了很久，而且用料很多，但建議下次來的朋友，可以加多一點蜜糖和冰，口感會更涼透心。整體來說，咖啡小店好有格調，會再來光顧。