Romanne Leisure Food Concept (Closed)

餐廳裝潢以簡約森林風為主，牆身既森林圖案、植物、竹木枱凳都令人覺得好舒服！🍴紫菜炸薯條配黑松露沙律醬 hkd68薯條炸得香脆，紫菜味雖然唔係好出但唔點醬都食得出既，個黑松露沙律醬真係好出色， 好濃黑松露味，令人忍唔住係咁食！🍴墨西哥芝士雞肉夾餅 hkd88夾餅微脆，內有雞肉、蘑菇及微溶芝士，再搽上莎莎醬，超夾，而且有8件好多，但如果多d芝士就仲正！🍴美國特選牛柳配煎鵝肝 hkd268今晚咁岩冇哂牛柳所以轉左肉眼扒，我地叫左5成熟，切開見到鮮嫩既粉紅色，完全唔會韌，好juicy肉味又濃！鵝肝都好大塊，鵝肝配埋肉眼扒一齊食令到牛味更出，好好食！而配菜亦出色，有薯仔、南瓜、菇、茄子同瓜，每樣都烤得入味。🍴Lime soda hkd58野飲同餐廳既裝潢好夾😂青檸味好清新，好解膩。