Video
Read full review
2023-03-28
175 views
話說小弟岩岩去完日本旅遊返黎，咁就當然要派d手信俾老友啦，就約埋出黎食餐飯，咁話晒去完日本返黎香港就唔食日本野住了，建議食下西餐，上網做下資料搜集就見到呢間行森林風格既餐廳，就一於黎試試。餐廳地點位於荃新天地一期地下外圍，內部裝修風格果然幾有森林feel，綠色主色仲有2個位係籠入面，女仔應該會好鐘意，用黎打卡都唔錯。原先我地坐左張4人枱，跟著黎左1班客人坐左後面有張可以10人既大枱，有幾個小朋友，店員都好醒目咁主動幫我地轉左張更舒服既位置，呢方面我覺得值得讚下。生蠔講返食物先，而家做緊優惠生蠔10蚊1隻，我地叫左6隻，同行有位朋友就唔食蠔，我自己都唔係太識食生蠔，都試左2隻，海水味就唔太重，生蠔都唔算好肥，不過食落幾新鮮，我食唔慣都覺得還可以，本身話食1隻都變左食2隻。香蒜黑松露野菌德國腸薄餅餅底好薄，薄到可以捲埋食，餡料都幾豐富，黑松露味都幾突出，我覺得唔錯。香濃芝士煙肉煙斗粉呢個煙斗粉幾得意，造型似煙斗既通粉，芝士汁好濃，煙斗粉有坑紋都好掛汁，另有d煙肉碎增加左咸香味。黑松露意大利雲吞叫左個dinner set，先黎個餐湯同前菜，餐湯係雜菜湯俾左朋友飲，無乜評價，前菜要左黑松露意大
餐廳地點位於荃新天地一期地下外圍，內部裝修風格果然幾有森林feel，綠色主色仲有2個位係籠入面，女仔應該會好鐘意，用黎打卡都唔錯。
原先我地坐左張4人枱，跟著黎左1班客人坐左後面有張可以10人既大枱，有幾個小朋友，店員都好醒目咁主動幫我地轉左張更舒服既位置，呢方面我覺得值得讚下。
生蠔
講返食物先，而家做緊優惠生蠔10蚊1隻，我地叫左6隻，同行有位朋友就唔食蠔，我自己都唔係太識食生蠔，都試左2隻，海水味就唔太重，生蠔都唔算好肥，不過食落幾新鮮，我食唔慣都覺得還可以，本身話食1隻都變左食2隻。
生蠔
22 views
0 likes
0 comments
香蒜黑松露野菌德國腸薄餅
餅底好薄，薄到可以捲埋食，餡料都幾豐富，黑松露味都幾突出，我覺得唔錯。
香蒜黑松露野菌德國腸薄餅
$158
20 views
0 likes
0 comments
香濃芝士煙肉煙斗粉
呢個煙斗粉幾得意，造型似煙斗既通粉，芝士汁好濃，煙斗粉有坑紋都好掛汁，另有d煙肉碎增加左咸香味。
香濃芝士煙肉煙斗粉
$158
23 views
0 likes
0 comments
黑松露意大利雲吞
叫左個dinner set，先黎個餐湯同前菜，餐湯係雜菜湯俾左朋友飲，無乜評價，前菜要左黑松露意大利雲吞，雲吞皮食落少厚，肉餡唔算多，係黑松露汁落得足，我覺得叫還好啦。
黑松露意大利雲吞
19 views
0 likes
0 comments
烤西班牙黑毛豬鞍伴香濃燒汁
由於同行有朋友唔食牛，我地都就就叫個豬鞍扒黎食，豬鞍扒大約都有半吋厚，唔算好大塊，外表都燒得幾焦香，肉質都唔會好乾，幾鬆軟，不過汁黎講就無乜味，另跟左個紫薯蓉甜甜地幾得意。
烤西班牙黑毛豬鞍伴香濃燒汁
11 views
0 likes
0 comments
焗明太子蟹肉酥盒
造型幾精美既小食，餡料食到明太子同蟹肉絲，不過我覺得比較淡，外皮都算酥脆，個人認得略厚左少少，試下無妨。
焗明太子蟹肉酥盒
$138
5 views
0 likes
0 comments
北海道帶子海鮮意大利飯
最後叫左個意大利飯收尾，海鮮有d青口花甲，仲有d蟹籽增加口感。
北海道帶子海鮮意大利飯
$188
4 views
0 likes
0 comments
荔枝魅影
朋友叫左杯特飲，造型幾靚。
荔枝魅影
$48
12 views
0 likes
0 comments
總結
餐廳環境幾舒適，食物質素雖然未算好高質但都算合格，都有d食物款式幾有特色，價錢方面就中規中矩啦，服務方面就以我今日既體驗尚算唔錯，係在場有位男店員感覺傲慢少少外，整體黎講黎舒舒服服小聚下都係唔錯既選擇。
Post
