杜記茶餐廳

Open Now

Now Closed

又係一間舊區小店，賣點係椒鹽豬排飯同咸魚肉餅飯小店定期會送素菜俾有需要嘅人食，值得欣賞。一黎會送例湯，飲落唔會太濃味，冇落味精，清清地。奶茶有水準，始終得老式茶餐廳先整到個隻味。肉餅飯，有落到咸魚，有一種咸香味，食開清淡嘅朋友可能會覺得油左少少。自己衡量啦。椒鹽豬排飯，係比較濕身個種，食落唔會覺得好熱氣。份量充味道濃，唔會得個咸同辣。如果叫埋炒底就會變肥仔。價錢方面，唔記得左，應該係一個餐四十幾蚊。四十幾蚊有飯有湯有野飲，仲要好食，足夠啦。如果係要搵野黎講就係油左少少，不過你叫得呢味送就預左。佢仲有個腐乳豬排飯，今次冇試，下次經過會再試下。