椰子星球 (Closed)

去開寶琳竟然見到有一間專賣椰子食物既小店，食物由小食、甜品、湯品、飲品都有齊，仲要大部份都真係用椰子🥥製造！所以今次👧🏻就買咗幾款返屋企同屋企人試下！🌟牛仔很芒椰子凍椰子凍有好多款口味，除咗有👧🏻叫咗既牛油果芒果🥑🥭味，仲有椰枝甘露🥭，龍眼桂花，D24榴連等口味，睇落款款都咁吸引🤩！牛油果醬係溝咗乳酪，食落有粒粒牛油果醉，又充滿乳酪既酸甜同輕柔；芒果粒夠甜美。椰子凍富有椰奶香，口感順滑，同牛油果乳酪十分匹配。🌟花膠蟲草燉椰子鳥雞湯湯品就有兩款，非常足料！有齊花膠、蟲草花、椰子肉、鳥雞、瘦肉、蓮子、龍眼肉等不同材料。湯底相信落咗唔少椰子水，味道相當清甜，配埋其他材料，夠曬滋補！🌟椰子拿鐵 (熱)冬天有唔少熱飲選擇，估唔到呢杯Latte幾有驚喜，咖啡☕️味超級濃郁，椰香味芳香撲鼻，可能加咗少少鹽嚟調味，令椰子味發揮得更極致更鮮甜。