六十六十火鍋 (Closed)

十二月天氣凍，最適合打邊爐！一入鋪頭見到有椰子雞湯底，諗都唔洗諗就揀呢個。雞肉指定六分鐘後開鑊食，口感肉地鮮嫩啱啱好！椰子湯底鮮甜，仲有啖啖爽甜椰子肉。海鮮亦都好新鮮，有花甲、蠔、肉蟹、扇貝。貝殼類新鮮，蠔食落都好肥美鮮甜，最滿足係肉蟹一大隻，啖啖肉！配料都有好多選擇，order咗手打墨魚丸、花膠仔、生菜、淮山、西班牙梅頭肉，仲有鴨紅，味道唔錯，淮山好粉，花膠仔足料，略嫌墨魚丸份量太少，但味道好好。湯底靚，又浸過海鮮，最後忍唔住飲晒啲湯，份量啱啱好！