農米莊 (豉油街)

Open Now

Now Closed

自從疫情之後，所有商場同舖頭都收得好早。秋風起夜晚行過旺角想食啲暖野，見呢間開得咁夜就試吓。上菜速度都算快，姐姐服務都ok。椰子雞湯米線有椰子味，香味甜味俱備，入口順滑，雞嘅膠質有煲出嚟，唔會好稀，亦都唔會太稠太漿口搞到嘴唇痴立立，我認為濃稠度啱啱好。除咗雞之外有基本配料，唔會咁悶。唯一美中不足係落咗椰絲，我唔係咁鍾意飲湯時食到。不過飲晒成碗湯都無口渴，值得一讚。黑蒜雞湯米線黑蒜係養生之選，朋友初起感冒決定當佢食療。蒜味唔算好濃，食完都冇話特別口臭，容易入口，但略嫌個湯鹹咗少少，所以朋友都冇飲晒。