DKLM Bar & Restaurant (Closed)

環境黑黑暗暗好有氣氛，一半嘅場係枱，另一半係有三張玩嘅枱，如有桌球。咖哩脆片一坐低侍應就送上咖哩味脆片，食完仲會添加，係等緊野食嘅時候唔怕餓親。蜜糖雞翼蜜糖唔係用燒野食果啲普通蜜糖，係真正嘅蜂蜜糖。迷你安格斯漢堡配黑松露薯條漢堡包嘅皮好有口感，唔似出面食果啲軟淋淋嘅感覺，安格斯嘅肉軟硬適中，一啖可以咬晒成個包，一次過享受芝士番茄漢堡同包，高級嘅享受。薯條條條都粗同脆，好好味。德國脆豬手佢地會切好隻豬手，已經無骨，個皮好脆，肉好淋，好好味，仲配埋酸酸地嘅汁，一流。