MOBIN (Moved) New Location

小店係間新派的fusion墨西哥菜店，有多款既傳統又有特色墨西哥菜。只睇菜單好多款都好吸引，選擇困難症的我又要費一費神。⭐️南乳版德國豬手紫酸菜芝士餡餅 💰88/half 德國咸豬手就成日食，但南乳味嘅仲要混合係餡餅入面食，都算係第一次試。豬手份量好大，啖啖都會食到南乳豬手。餡餅皮薄唔會太乾、微酸既紫椰菜、軟腍既南乳豬手、味道同口感都好豐富。另外再配上牛油果醬同蕃茄莎莎醬，同餡餅味道好夾，好開胃。⭐️牛油野菌混醬意粉 💰108意粉軟硬度適中夠彈性，忌廉汁質感夠濃稠，香濃既菇菌味，配料蘑菇同紫洋蔥份量算多。⭐️紐約芝士蛋糕配自家製龍舌蘭焦糖醬 💰68芝士蛋糕味濃郁，甜度適中不太甜，另配有少少龍舌酒香既焦糖醬，味道幾特別。⭐️紅莓水果酒 💰60雖然個名係水果酒，但絕無酒精成份。水果酒用上紅莓汁作主調，入面有蘋果、青檸、橙等等，整體味道上酸酸甜甜。餐前飲一兩啖夠晒開胃。⭐️新鮮薑末檸檬蜜糖 💰45食飽飽飲杯熱薑蜜清清味蕾，杯中仲加有肉桂條，夠晒養生。