Video
Read full review
2024-06-22
320 views
呢間位於旺角鬧市中的樓上泰國🇹🇭菜，booking都算幾full，上到去都得返幾張吉枱！一入到去店員都幾熱情去招待我地坐低嘅，但後來覺得啲店員嘅服務就真係麻麻，會寧願企埋傾計都唔會主動去睇下客人有咩需要🥲104泰式炸蝦餅（四件）：蝦餅係會幫你切開八件，蝦餅一上枱熱辣辣，好好食，再配埋餐廳特色泰式辣醬，簡直一流！103椒鹽鮮魷：份量細，四個人嚟講唔太夠，味道一般，呢碟有啲唔抵食！113蒜蓉法包：我自己有啲好鍾意食蒜蓉包嘅人，呢個蒜蓉包軟硬適中，上面嘅蒜蓉係真係好有蒜蓉味。而且上枱每人可以有一件！份量大小剛剛好，又唔會阻住你食其他嘢嘅胃口！120串燒沙嗲：我哋就叫咗牛同雞，每份會有兩件，呢間餐廳嘅沙嗲真係超好食！食過返尋味，十分推薦！401炒通菜馬拉盞：通菜十分惹味，馬拉盞唔會特別好辣，我自己係一個唔太食辣嘅人，但呢個馬拉盞通菜我都接受到！707黃咖喱：咖喱我就叫咗豬肉肉片，但豬肉片就會比較韌，但唔影響我食呢個咖喱，入面啲薯仔十分入味，吸曬黃咖喱嘅味！必食813香芒蟹肉炒飯：原粒的芒果好甜，同炒飯嘅味道相輔相成，炒飯10分夠鑊氣，但蟹肉就有少少減分，食到啲一兩粒蟹殼，食嘅時候要小心啲911
一入到去店員都幾熱情去招待我地坐低嘅，但後來覺得啲店員嘅服務就真係麻麻，會寧願企埋傾計都唔會主動去睇下客人有咩需要🥲
104泰式炸蝦餅（四件）：
蝦餅係會幫你切開八件，蝦餅一上枱熱辣辣，好好食，再配埋餐廳特色泰式辣醬，簡直一流！
103椒鹽鮮魷：
份量細，四個人嚟講唔太夠，味道一般，呢碟有啲唔抵食！
113蒜蓉法包：
我自己有啲好鍾意食蒜蓉包嘅人，呢個蒜蓉包軟硬適中，上面嘅蒜蓉係真係好有蒜蓉味。而且上枱每人可以有一件！份量大小剛剛好，又唔會阻住你食其他嘢嘅胃口！
120串燒沙嗲：
我哋就叫咗牛同雞，每份會有兩件，呢間餐廳嘅沙嗲真係超好食！食過返尋味，十分推薦！
401炒通菜馬拉盞：
通菜十分惹味，馬拉盞唔會特別好辣，我自己係一個唔太食辣嘅人，但呢個馬拉盞通菜我都接受到！
707黃咖喱：
咖喱我就叫咗豬肉肉片，但豬肉片就會比較韌，但唔影響我食呢個咖喱，入面啲薯仔十分入味，吸曬黃咖喱嘅味！必食
813香芒蟹肉炒飯：
原粒的芒果好甜，同炒飯嘅味道相輔相成，炒飯10分夠鑊氣，但蟹肉就有少少減分，食到啲一兩粒蟹殼，食嘅時候要小心啲
911泰式炒濕河：
呢個就係我屋企人好鍾意食，我自己覺得味道比較濃，入面好足料有唔同嘅配菜，例如西蘭花、肉片、生菜等！
950泰國椰青：
椰青水十分甜，椰肉都好滑好甜！
推介指數：7/10🔥
Post
