Comma Cafe

Open Now

Now Closed

約朋友在旺角傾偈食下午茶，全靠佢帶我嚟，如果唔係真係好難搵到，之前都冇留意後巷呢度有商業大廈，係大廈入邊都有唔少嘅餐廳。一上到餐廳門口，即刻俾佢嘅粉紅色花花佈置吸引，仲有英式人形大公仔，俾你打下卡影吓相。餐廳佈置簡約，面積唔大，但係因為係高層，所以景觀都好開楊，坐落都唔會覺得好侷促。朋友介紹呢個時間嚟就係貪佢人少，比較靜可以傾偈傾來啲。食物反而係其次，主要我哋都想搵地方坐低靜靜地傾計位置，最後叫咗一個Toast Box及雲呢拿芭菲。雲呢拿芭菲擺設都幾有心思，影吓相打卡都唔錯。Toast Box 份量巨型，我同朋友兩個基本上都食唔晒，麵包水準高，食落帶少少清甜，中間位置會見到一絲絲麵包紋理。