江浙滬 (堪富利士道) (Closed)

之前試過銅鑼灣嗰間麻麻地，今次黎尖沙咀試多次。佢好似8月時裝修過，但入到去又唔覺邊度好新淨，同埋人都唔算多。叫左個醉雞、涼伴海蜇頭青瓜、清炒河蝦仁、酸辣湯、小籠包同埋擔擔麵，最後再叫多個豆沙窩餅做甜品。醉雞不錯，好香花雕酒香，又不會太嗆喉，而且雞都有啲鮮味，肉質結實滑嫩。涼伴海蜇頭青瓜相對失色，海蜇頭同一般的有分別，好薄同埋深色，雖然好爽脆，但不夠厚身影響口感。清炒河蝦仁性價比就好低，個份量好似得一半咁，雖然味道不錯，但相對幾貴下。酸辣湯夠大碗，2個人分都得，又辣又酸，好味。小籠包皮好厚，不過味道都不錯。擔擔麵就好香花生味，湯底濃郁，麵條軟滑。豆沙窩餅有驚喜，唔算好油，煎炸得好香水口，豆沙餡好多，份量又大，有8塊，吃到好足。尖沙咀分店比銅鑼灣好。