北海道爐端燒 (Closed)

唔講唔知有呢間樓上舖，朋友帶我黎到一個窄小的門口，行幾級樓梯後撘上去，一開門不得了，十分旺場，飲酒吹水氣氛熱鬧。等左一陣有枱，在店舖酒櫃旁邊的二人枱，位置挺迫的，店家貼心地在地上放籃子，隨身物品就不用亂放了。在門外等位其間已看了餐牌決定好食物，快快下單先。海鮮丼（$128）自己點了一碗海鮮丼，大雜燴咩都有啲，好豐富呀，鮮生幾鮮味，仲有山芋蓉，正。三文魚及三文魚籽丼（$118）朋友的三文魚丼，佢話好味。北海道蟹蓋蟹肉蟹膏燒（$78/ea）上次食過後就愛上了，見到有蟹蓋燒就即刻點一份，賣相好靚靚。攪拌後食後，蟹膏蟹肉勁鮮味，加埋鵪鶉蛋更滑更黏口，好好味，再燒乾少少就更正了。鹽燒味噌漬鮭魚腩（$52）最後到的三文魚腩，夠哂肥，滿口魚油好正，同樣地可以再燒香少少更好。仲有係魚皮上有魚鱗，個人不喜，淨係食左魚肉，魚皮留朋友ko，哈哈～餐廳無限時用餐，我地食完野都傾左好耐偈先走，完全無壓力。好多枱都係點啤酒吹水，好有居酒屋嘅感覺呢。