榴槤屋甜品店 (Closed)

為食媽提過街市有檔榴槤甜品, 問我有沒有試過, 見天氣轉好了一點拿外賣時不用左傘右袋, 就買了兩款榴槤甜品扮演一下孝順女...。甜品檔不難找, 因有大大個拉架招牌把食客的視線吸了過去。此處最主要是賣榴槤甜品, 其他基本糖水甜品選擇不多。檔前放了個雪櫃, 內有多樣由榴槤做主角的甜點, 我就揀選了榴槤卷, 布甸取走, 另外即場吃了一支榴槤雪條。先講榴槤雪條($5) , 是一支方珍棒子, 雪得實實又不難咬開, 它不是一支冰條, 除吃到榴槤味外還混有奶味, 食落幾香, 吃得慢條斯理的我也不會弄到一手也是。榴槤卷($15) , 類近榴槤班戟, 身形略瘦, 放進女士口內一啖咬下剛好, 咀角不怕留下忌廉的痕跡, 果肉與忌廉混左一起, 一入口就可以有強烈味感, 但如外皮多帶點韌度就更好。吃完此款, 待飲下幾口水後, 再繼續吃餘下的布甸($8), 外表看沒有平滑感, 而入口質感較似海綿, 但保留有果皇味道, 一杯份量不多, 要吃夠兩杯才滿足。整體三款質量不錯, 如再想吃甜品, 此檔會列入我的首選。