大飯糖甜品小食屋

Open Now

Now Closed

坦白講，我非大圍友，如果唔係朋友推薦真的不知道有呢間嘢。有晚朋友夜一夜send個短信話「喂，你黎試下呢間，個榴櫣冰好正」隔無耐就為左呢句說話走左轉大圍，呢間嘢真心隱閉，第一不容易搵到。我以為係細細間糖水鋪，估唔到係甘大而早午晚市都做的餐廳。戲肉到，超級榴槤山，入面有特濃榴蓮綿綿冰+D24榴槤球+水晶+小丸子+椰奶忌廉。榴槤球超級濃郁，似食緊雪凍左的原隻榴槤肉，口感好扎實仲帶一絲絲榴槤肉。綿綿冰入口即化，十分香滑。而且份量好大，兩個人share 剛剛好。我地仲打包左榴槤pancake, 但忘記影相，皮薄餡多，一試難忘，比某B好食好多。榴槤控真的要試下。