榴蓮王 (Closed)

想食榴槤就一定唸起呢間位於廟街附近既榴蓮王。小小一間外賣店，係鋪位外放置兩張膠枱凳，坐係街邊度享受榴槤大餐真係風味無窮！我地兩個人都嗌左好多野，飲品有熱桔仔蜜，甜品就點左榴槤心太軟，榴槤肉捲同埋貓山王雪米餅。榴連心太軟比想像中夾好多，朱古力外皮好脆，好濃好香，榴連同朱古力味又唔會互相掩蓋。另外仲有個榴連雪芭，榴連味都好重，口感唔會粘，平時唔好食榴連嘅可以試呢個。老闆就沖左杯桔仔比我地試下，好甜帶少少酸味，好合適冬天飲，入面真係有位桔仔。我都忍唔到手買左一樽翻去。再黎係貓山王雪米餅，雪米餅用純正米漿做，口感外脆內煙韌，軟林好食。入面既榴槤容溶似係不經調味，正。壓軸出場嘅係榴槤肉捲。外型細細件一個捲薄餅，切開左一半放係紙托上。咬一啖入面滿滿既榴槤味道係口中爆發，仲會見到一絲絲既非常濃厚既貓山王果肉，真材實料！好正！呢間小店用料真實，佢既質素絕對值得呢個價，所以想回味榴槤必定黎光顧榴槤王。